Fréttir

Nú er níunda starfsári Vallaskóla að ljúka og 3. júní voru útskrifaðir nemendur í þremur bekkjardeildum. 6. júní voru svo skólaslit í 1.-9. bekk. Hægt er að nálgast myndir frá athöfnunum undir ,,Myndefni”.

Við lok grunnskóla fá nemendur 10. bekkja í Vallaskóla tækifæri til þess að kynna sér atvinnulífið. Þeir velja sjálfir hvert þeir fara í samráði við foreldra eða námsráðgjafa skólans.

Þriðjudaginn 31. maí eftir síðasta prófið úr grunnskóla lögðum við af stað fjórir fararstjórar með 52 krakka úr 10. bekk. Leiðin lá í Skagafjörðinn.

Fyrir ekki svo löngu síðan fóru nemendur í 3. bekk í heimsókn í MS á Selfossi (Mjólkurbú Flóamanna).

Út er komin skýrsla sem er afrakstur vinnu ungmenna í 9. bekk á forvarnadeginum sem haldinn var 3. nóvember 2010. Höfundur skýrslunnar er Sigríður Kristín Hrafnkelsdóttir fyrir Rannsóknir og greiningu. Sigríður var jafnframt verkefnisstjóri Forvarnadagsins 2010.

Vorhátíð var haldin 1. júní sl. Nemendur í 1.-9. bekk gerðu sér glaðan dag en nemendur í 10. bekk voru í skólaferðalagi í Skagafirðinum.

Nemendur í 1.-4. bekk komu yfir á Sólvelli til að skoða aðstæður áður en flutningurinn úr Sandvík brestur á.

Síðasta skóladaginn sá nemendafélag Vallaskóla (NEVA) um brennómót á unglingastigi í íþróttasalnum á Sólvöllum. 

Skólavistun Vallaskóla verður opin fyrir börn sem þar eru skráð til og með 15. júní og opnar aftur eftir sumarleyfi miðvikudaginn 3. ágúst.

Á dögunum fengum við hingað í Vallaskóla góða gesti, þrjá unga menn frá Höfn í Hornafirði, sautján-átján ára gamla, þá Halldór Karl Þórsson, Reyni Ásgeirsson og Þórð Ásgeirsson. Erindi þeirra var að fræða okkur, aðallega þó 7. bekk en líka kennara og foreldra, um fyrirbærið tölvuleikjafíkn.