Fari það í bjöllulaust!
Það kom að því. Eitt helsta tákn iðnbyltingar er hljóðnað. Samhliða breyttum tímaási í skólastarfinu var ákveðið að hætta að hringja skólabjöllunni, enda eru frímínútur og matur á mismunandi tímum eftir stigum.
Matseðill
Matseðill septembermánaðar er kominn á heimasíðu. Af öðru efni á heimasíðunni, s.s. nýir nemendalistar, námskrá ofl., þá er það í vinnslu og mun birtast innan tíðar. Viðtalstímar kennara eru að mestu komnir á sinn stað – undir starfsmenn.
Foreldrakynningar
Foreldrakynningar verða að öllu jöfnu haldnar á tímabilinu 27.8-7.9 skv. skóladagatalinu. Það er þó með fyrirvara en tímasetning getur breyst vegna óviðráðanlegra orsaka. Foreldrar/forráðamenn fá tilkynningu um hvenær þeir eiga að mæta á kynningu en það er misjafnt á hverju stigi. Einnig má fylgjast með hér á heimasíðunni.
Lausar stöður – stuðningsfulltrúa vantar
Við Vallaskóla eru lausar 3 stöður stuðningsfulltrúa. Nánari upplýsingar gefur Guðbjartur Ólason skólastjóri í síma 480 5800 eða á netfanginu gudbjartur@vallaskoli.is .
Skólasetning 22. ágúst
Skólasetning fór fram miðvikudaginn 22. ágúst. Nemendur mættu til hátíðarinnar ásamt foreldrum sínum, en setningin fór fram í íþróttasalnum á Sólvöllum.