Forvarnafréttir
Það eru tvær fréttir sem tengjast forvörnum. Annars vegar er Magnús Stefánsson, betur þekktur sem ,,Maggi í Marita“, á leið til okkar í Sv. Árborg með fræðslu um skaðsemi fíkniefna. Og við í Vallaskóla erum búin að uppfæra aðgerðaráætlun okkar gegn einelti.
Vallajól
Nemendur í 7. BA og 7. MIM eru nú að vinna hópaverkefni tengt jólunum. Þau vinna verkefnið á Ipada og skila í lokinn sem heimasíðu en öll verkefnin verður hægt að sjá á heimasíðu Vallajóla.
Stóra upplestrarkeppnin
Stóra upplestrarkeppnin í 7. bekk var sett með viðeigandi athöfn 20. nóvember sl. Þar var Trausti Steinsson kennari, og þýðandi, með hugvekju um Jónas Hallgrímsson, en venjulega hefst keppnin á degi íslenskrar tungu sem er 16. nóvember, en það var laugardagur að þessu sinni.
Skreytingadagur
Í dag, föstudaginn 29. nóvember, er skreytingadagurinn. Skreytingardagurinn markar upphafið að aðventu í skólanum og tími til kominn að skreyta skólann, en ekki síst að bæta við ljósum í svörtu skammdeginu. Skólinn býður nemendum sínum upp á kakó og smákökur eins og hefð er fyrir. Sjá annars upplýsingar frá umsjónarkennurum.
Árshátíð unglingastigs
ÁRSHÁTÍÐ UNGLINGASTIGS 2013-2014 Árshátíð í 8., 9. og 10. bekk Vallaskóla verður haldin í íþróttahúsi Vallaskóla, fimmtudaginn 28. nóvember 2013. Kvöldið hefst á hátíðarkvöldverði fyrir 10. bekk. Húsið opnar kl. 18.00 en borðhald hefst kl. 18:30. Boðið verður upp á tveggja rétta kvöldverð. Hátíðardansleikur fyrir 8.-10. bekk: Hátíðardansleikur verður síðan í íþróttasalnum fyrir nemendur í …