Krakkarnir í 10. Vallaskóla eru byrjuð að safna fyrir úrskriftarferð sinni sem farin verður nk. vor. Fjáröflunin byrjaði með vöfflu- og súkkulaði/kaffisölu í Vallaskóla á foreldradeginum sl. föstudag, 20. nóvember, ásamt kökubasar.
Minnum á kaffisölu og kökubasar nemenda í 10. bekk á foreldradaginn 20. nóvember nk. til styrktar skólaferðalagi þeirra í vor.
Mánudaginn 16.nóvember var dagur íslenskrar tungu haldinn hátíðlegur í Vallaskóla. Eldri borgarar komu í heimsókn og lásu fyrir nemendur 1. – 6. bekkjar. Síðan komu þau aftur til okkar dagana 17. – 18. nóv.og aðstoðuðu við lestrarátak skólans þar sem þau láta alla nemendur skólans lesa fyrir sig dagleg.
Hópar úr leikrænni tjáningu fóru ásamt kennnara að skoða Litla leikhúsið við Sigtún á Selfossi. Þar fengu nemendur að skoða á bakvið tjöldin og fengu að upplifa og fræðast um starf leikhúsins. Við viljum þakka Friðjóni Ella fyrir frábærar móttökur og fræðandi upplýsingar um leikhúsið. Hér eru myndir af nemendum úr 9.bekk.
Fimmtudaginn 19. nóvember er starfsdagur í Vallaskóla. Nemendur eru þá í fríi. Föstudaginn 20. nóvember er foreldradagur. Nemendur og forráðamenn þeirra koma þá til foreldraviðtals hjá umsjónarkennara. Farið verður yfir námsmat, námslega stöðu og líðan. Mætt er skv. viðtalsyfirliti umsjónarkennara.
Haldið fimmtudaginn 12. nóvember 2015 kl. 17:30 í Ráðhúsi Ölfuss, Hafnarbergi 1, 815 Þorlákshöfn. Dagskrá 17:30 – Gylfi Jón Gylfason: Læsisátak stjórnvalda 17:50 – Margrét Tryggvadóttir: Skipta barnabækur máli? 18:10 – Gerður Kristný: „Bækur breyta heiminum“. 18:30 – Hlé
Nýr matseðill fyrir nóvember er komin inná heimasíðuna en hann má sjá hérna.
Höfundamiðstöð RSÍ býður upp á metnaðarfulla bókmenntadagskrá fyrir grunnskóla landsins í ár. Það var hljómsveitin Hundar í óskilum (Eiríkur Stephensen og Hjörleifur Hjartarson) sem buðu að þessu sinni nemendum í 7.-10. bekk í Vallaskóla upp á Halldór Laxness á hundavaði.
Alþjóðlegi bangsadagurinn var haldinn hátíðlegur í Vallaskóla þriðjudaginn 27.október. Nemendur yngrideildar mættu í náttfötum í skólann og skóladeginum lauk með bangsadiskói í íþróttasal skólans. Þar sem nemendur dönsuðu dansa sem þau hafa lært undir stjórn íþróttakennara.
Svanhildur Svavarsdóttir, talmeinafræðingur, sérkennari og boðskiptafræðingur, var með afar áhugaverðan fyrirlestur um einhverfu og skipulagða kennslu í Sunnulækjarskóla miðvikudaginn 21. október 2015. Í fyrirlestrinum lagði hún m.a. áherslu á mikilvægi þess að nota sjónrænt skipulag í öllum aðstæðum.
