Fréttir

Á morgun miðvikudaginn 16. október ætlum við nemendur og starfsfólk að bregða á leik og eiga slæman hárdag.

Fimmtudaginn 17. og föstudaginn 18. október er haustfrí í Vallaskóla.

Þriðji árgangur fór í fjöruferð í Stokkseyrarfjöru á vegum tengla þriðjudaginn 8. október. Í skólastofunni erum við að vinna þemaverkefni um hafið og var ferðin skipulögð með það í huga. Ferðin heppnaðist vel og þátttakan var nokkuð góð.

Aðalfundur foreldrafélags Vallaskóla verður mánudaginn 30. sept. kl: 20:00 í stofu 19. Hægt verður að ganga inn innganginn sem snýr að Engjaveg. Vonumst við til að sjá sem flesta foreldra koma og sýna foreldrafélaginu og skólastarfi samstöðu og áhuga. Dagskrá aðalfundar Foreldrafélags Vallaskóla: 1. Ávarp formanns 2. Gjaldkeri leggur fram ársreikning. 3. Kosið í stjórn

Haustþing Kennarafélags Suðurland fer fram dagana 26. til 27. september. Af þeim sökum lýkur skólastarfi kl. 13:00 fimmtudaginn 26. september og ekkert skólastarf verður föstudaginn 27. september.

Hægt er að kynna sér menntastefnu Sveitarfélagsins Áborgar til ársins 2030 á vef þess. Menntastefnan byggir á þremur leiðarljósum sem eiga að einkenna allt starf með börnum og unglingum í Árborg. Leiðarljósin: Farsæld í fyrirrúmi, Fjölbreytileiki og Faglegt lærdómssamfélag eru lykillinn að því gæða starfi sem einkennir skóla- og frístundastarf í Árborg. Hér má lesa menntastefnuna í heild sinni: https://www.arborg.is/ibuar/skolar-og-daggaesla/menntastefna-til-2030/

Undanfarin ár hafa nemendur í listavali verið iðin við að skreyta veggi skólans okkar. Hér gefur að líta nokkrar af þessum fínu myndum.