Fréttir

Unadanfarna viku hafa nemendur 7. bekkjar verið að glíma við leysa Bebras ákorun. Í áskoruninni leysa þátttakendur þrautir byggðar á hugsunarhætti forritunar. Bebras er ein fjölmennasta áskorunin sem notuð er til kennslu í upplýsingatækni í heiminum og var haldin í fyrsta sinn á Íslandi í nóvember 2015. Nemendum finnst spennandi að leysa þessar þrautir og […]

Á föstudaginn kemur, þann 8. nóvember næstkomandi, höldum við forvarnar- og baráttudag gegn einelti hér í Vallaskóla eins og síðustu ár. Við mætum öll í sal íþróttahússins kl. 10:30 og eigum þar góða stund saman. Starfsmannahljómsveitin í Grænum Fötum stígur á stokk og ætlar að flytja fjögur lög. Eitt af lögunum verður að sjálfsögðu Í larí lei

Foreldrar og forráðamenn ath:

Nemendur 1. – 4. árgangs fengu góða gjöf á dögunum en þá komu fulltrúar frá slysavarnafélaginu Tryggva færandi hendi. Allir nemendur fengu að gjöf endurskinsmerki og ekki vanþörf á í skammdeginu sem nú hellist yfir. Á myndinni má sjá fulltrúa frá slysavarnafélaginu ásamt Guðrúnu Jóhannsdóttur, deildarstjóra yngri deildar við Vallaskóla.

Skólinn okkar hefur verið skreyttur í hrekkjuvökustíl. Nemendur hafa verið duglegir að skella upp allskonar myndum og skreytingum sem tengjast deginum. Á morgun verður uppbrot fyrir nemendur í tengslum við þessa skemmtilegur hefð.

Foreldrafélag Vallaskóla afhenti börnum í 1. bekk endurskinsvesti með nöfnum þeirra á. Lögreglumenn frá Samfélagslöggu Suðurlands komu í skólann þegar nemendur fengu vestin afhend og fóru yfir hversu mikilvægt það er að sjást vel í umferðinni.

Næstkomandi miðvikudag, 23. október verður bleikur dagur í Vallaskóla eins og alls staðar annar staðar á landinu.

Slæmi hárdagurinn vakti mikla gleði í dag. Nemendur sýndu mikinn frumleika við hárgreiðslur. Myndasafnið sem fylgir sýnir nokkur dæmi.

Á morgun miðvikudaginn 16. október ætlum við nemendur og starfsfólk að bregða á leik og eiga slæman hárdag.