Fréttir

Nú á dögunum styrkti foreldrafélagið bókasafnið í Vallaskóla til bókakaupa. Styrkupphæðin var 150 þúsund og hefur hluti upphæðarinnar þegar verið nýttur. Hér á myndinni má sjá Lindu bókavörð og nokkrar af bókunum sem keyptar voru. Nemendur og starfsfólk Vallaskóla þakkar kærlega fyrir þessa höfðinglegu gjöf foreldrafélagsins. Fengið að láni af Facebook síðu Foreldrafélag Vallaskólska: https://www.facebook.com/groups/699765703432800/

Í dag mættu allir nemendur skólans á sal. Þar sungu þeir jólasöngva í kór við undirleik skólahljómsveitar skólans. Að loknum söngnum sýndu nemendur okkar sem unnu Skjálftann fyrir skömmu atriðið sitt við mikinn fögnuð. Ekki dró úr fögnuðinum þegar sjálfur Páll Óskar tróð upp í lokin.

Jólaskreytingar hafa verið að taka á sig mynd í skólanum okkar undanfarna daga. Má segja að það sé orðið jólalegt hjá okkur. Jólalögin hljóma um ganga, jólasokkar og jólapeystur hafa verið dregnar fram að ógleymdum jólahúfum. Nemendur geta verið stoltir af skreytingunum í ár.

Hér gefur að líta matseðil Vallaskóla mathússins í desember. Njótið vel. Hér er hægt að nálgast hann á PDF sniði Þægilegt til útprentunar ef vill: Hér tengill á matseðilssíðu Vallaskóla:

Lið Vallaskóla gerði sér lítið fyrir og sigraði Skjálftann nú um helgina. Skjálftinn er hæfileikakeppni grunnskóla á Suðurlandi. Að þessu sinni fór hann fram í íþróttahúsinu í Þorlákshöfn og var umgjörðin hin besta. Við erum stolt af ungmennunum okkar og óskum þeim til hamingju.

Nemendur í 10. árgangi í Vallaskóla hafa verið í mjög áhugaverðum starfskynningum síðustu daga. Til að ljúka þeirri vinnu fengum við í Vallaskóla Fanney Hrund Hilmarsdóttur rithöfund í heimsókn en hún á að baki athyglisverðan starfsferil sem hún sagði nemendum frá ásamt því að lesa upp úr skáldsögum sínum Dreim – Fall Draupnis og Dreim – Dýr móðurinnar. 

Kæru foreldrar og forsjáraðilar Okkur unga fólkinu þætti vænt um að þið fylgduð okkur á instagram SKJÁLFTINN:https://www.instagram.com/skjalftinn/ Í instagrami Skjálftans sýnum við frá ferlinu við að samsköpun listaverks sem sýnt verður á listahátíð Skjálftans 29.nóveber n.k. í Þorlákshöfn. Áfram listamenning ungs fólks á Suðurlandi!  Fyrir hönd ungmennanna SKJÁLFTINN

Bebras-áskorunin er skemmtileg og fræðandi rök- og tölvuþrautakeppni fyrir nemendur á öllum aldri Nemendur í 5. árgangi Vallaskóla tóku þátt í Bebras áskoruninni í nóvember og náði 28% hópsins gullverðlaunum sem er afar vel gert, en í heildina ná 10% nemenda í hverjum aldurshópi gulli. Bebras áskorunin er rafræn glíma við fjölbreytt verkefni sem  þjálfar rökhugsun, sköpun og lausnamiðaða nálgun