Nemendur í 7. bekk héldu sýningu fyrir fjölskyldur sínar á verkefnum sem þeir hafa unnið í náttúrufræði og lífsleikni.
Í náttúrufræðinni völdu nemendur sér líffæri sem þeir gerðu líkan af og kynntu. Í lífsleikni unnu þeir áhugasviðsverkefni og útbjuggu kynningu á því. Afraksturinn var svo til sýnis á sýningunni.
Við vorum ánægð með að sjá góða mætingu hjá foreldrum/forráðamönnum og stóðu krakkarnir sig með mikilli prýði, sérstaklega í því að segja gestum og gangandi frá verkum sínum.
Eins og svo oft áður þá segja myndir meira en mörg orð. 🙂
