Nemendur í 10. árgangi í Vallaskóla hafa verið í mjög áhugaverðum starfskynningum síðustu daga. Til að ljúka þeirri vinnu fengum við í Vallaskóla Fanney Hrund Hilmarsdóttur rithöfund í heimsókn en hún á að baki athyglisverðan starfsferil sem hún sagði nemendum frá ásamt því að lesa upp úr skáldsögum sínum Dreim – Fall Draupnis og Dreim – Dýr móðurinnar. Fanney er lögfræðingur sem gerðist bóndi og rithöfundur, sannarlega áhugaverð þróun starfsferils. Nemendur hlýddu með athygli á Fanney og áttu í góðum og innihaldsríkum samtölum við Fanney sem sagði skemmtilega frá.
